Zestoa

Eneko Arregi eta Juan Casas zestoarrak, Lazkaomendiko mus txapelketako irabazleak

Lazkaomendi datorren maiatzaren 2an jaiei hasiera emateko prestatzen ari da, baina aurretik, apirilak 12an, jaien baitan dagoen ekitaldi bat ospatu zen: VIII. Mus Txapelketa.

Txapelketa, Lazkaomendiko Festa Batzordeak antolatua eta Lazkaoko Udalaren laguntzarekin, Lartxai elkartean ospatu zen, eta Goierri, Urola, Tolosaldea, Hernani, Leitza, Etxarri-Aranatz, Oñati, Zestoa, Zumaia, Mutriku, Getaria eta Zuia bezalako herrietatik etorritako 45 bikotek hartu zuten parte. «Lehia bizia izan zen, musaren arau tradizionalen arabera jokatutako partidekin, eta auzotarrak emozio eta dibertsio giroan murgildu ziren», azaldu dute antolatzaileek.

Edizio honetako irabazleak Eneko Arregi eta Juan Casas zestoarrak izan ziren eta sari gisa 1.000 euro eta txapela eskuratu zituzten. Bigarren postua Joanes Begiristain eta Ander Insausti lazkaotarrentzat izan zen, 500 euroko saria jasoz, eta hirugarren postua Aiako Aimar Azkuek eta Asier Alberdik lortu zuten, 200 euro irabaziz. Bestalde, Antxon Altuna eta Gonzalo Gurrutxaga ibartarrek laugarren postua eskuratu zuten, eta bi dastatze menu lortu zituzten Lazkao Etxe jatetxean.

Txirrindularitzako Gurutzeaga saria jokatuko da gaur, 15:45etik aurrera. Junior mailako proba Eskola Txikiaren paretik hasiko da.