Zarautz

'RedNudes', gazteen artean hausnarketa eragiteko antzezlana

Azaroaren 25eko Emakumeenganako Indarkeriaren Aurkako Nazioarteko Egunaren programazioaren baitan, Pikor Teatroak 'RedNudes' antzezlana aurkeztuko du gaur Modelo aretoan.

Ikuskizuna sexpreading delako fenomenoan oinarritzen da: gazteen artean esponentzialki hazten ari den argazki intimoen eskaera eta presioa, eta horrek ikastetxeetan pizten dituen alarma sozialak eta gatazkei buruzkoa da antzezlana.

Atzo bezala, gaur ere, eguerdiko 12:00etan, ikastetxeetako ikasleek 'RedNudes' ikusteko aukera izango dute Modelo aretoan. Horrez gain, gaur, 19:00etan, publiko osoarentzat saioa eskainiko da. Ikuskizuna euskaraz da, eta sarrera doan.