Orio

Euskaldunari irabazi ostean, sailkapenean beste urrats bat eman du Oriokok

Preferente mailako Orioko taldeak ez du hutsik egin, beste garaipen berri bat lortu zuen larunbat arratsaldean Mendibeltz zelaian arerio zuzen baten aurka, Euskaldunari 1-0 irabazi ostean. Partidako gol bakarra Harri Bruñok sartu zuen, penalti puntutik, 56. minutuan.

Ondorioz, sailkapenean bigarren kokatzen da Orioko 52 punturekin eta Euskalduna hirugarren 49kin. Rotetak lidertzari eusten dio 56rekin. Hori bai, sufritutako puntuak lortu zituen, 2-1 Touringen aurka, garaipenaren gola 92. minutuan sartuz.

Honek ez du etenik eta larunbatean (17:00) Joseba Agirreren mutilek berriz etxean jokatuko dute, Amara Berriren bisitarekin.

Bestalde, ohorezko jubenilek 3-2 galdu zuten Errenterian. Erregional taldea, Kopako neurketan, 3-2 nagusitu zen Texas Lasarteren aurka. Nes-kek 0-1 irabazi zuten Intxaurdiren zelaian eta ohorezko kadeteek ere irabazi, 3-1 Aizkorri-Segurari.