Orio

Dozena erdi gai jarriko dituzte mahai gainean gaur arratsaldeko udalbatzarrean

Udaleko ordezkarien bilkura gaur, osteguna, arra-tsaldeko 19:30ean egingo dute udalbatzarraren aretoan, eta dozena erdi gai jorratuko dituzte. Hasteko, 2024ko laugarren hiruhileko berankortasun-txostenaren berri ematea; ondoren, lehen onarpena ematea, egoki bada, udal-aurrekontu propioaren 4/2025 zenbakidun kreditua alda-tzeko espedienteari, kreditua transferitzeko modalitatean; jarraian, lehen onarpena ematea, egoki bada, udal-aurre-kontu propioaren 5/2025 zenbakidun kreditua aldatzeko espedienteari, kreditu gehigarrien modalitatean.

Udalbatzarrarekin jarraituz, ondorengo gaian, Orioko Udalak Ortzaika auzoan eta Hondartza eremuan, autopista azpian, dituen autokarabana-guneen erabilera arautzen duen udal-ordenantzaren aldaketari lehen onarpena emango zaio; bukatu aurretik, onartzea, egoki bada, Orioko udalerria klima-aldaketara egokitzeko plana 2025-2030 urteetarako eta, azkenik, Pleno amaieran, eskari eta galderen txanda.