Getaria

Txeruk zabaldu du XXVI. Salbatore Pilota Txapelketaren izen-ematea

Gure Txeru Pilota Elkarteak dagoeneko abian jarri du XXVI. Salbatore Txapelketa Getarian. Ohikoa denez, hiru maila ezberdinetan eman ahal izango da izena eta apirilak 20a bitartean egin ahalko dute bikote interesatuak.

Mailak honela banatzen dira, kadeteak 2008 eta 2009an jaiotakoak, jubenilak 2006 eta 2007an jaioak eta azkenik 23 urte azpikoak 2001era arte, hau barne.

Izen-ematea egiteko telefono bidez (688 863 860) edo posta elektronikoz (etxanizgetaria@ gmail.com) egin daiteke. Izena ematean adina adierazi.

Pilota partidak maiatzean astelehen eta asteazkenetan arra-tsaldeko 18:30etik aurrera jokatuko dira herriko frontoian eta ekaina erditik aurrera larunbatetan ere bai, arratsaldeko 18:00etatik aurrera.

Txapelketa kanporaketa bidez jokatuko da. Partida jokatzeko eguna baieztatuta duen bikoteak azken orduko bajaren bat izango balu, izan pilotari bat ala biak, klubak berak bilatu beharko du/ditu ordezkoa(k).

Bikotea kanporatua izango da bestela. Ondoren titularrak ala ordezkoak, edonork, jarraitu ahalko du.