Getaria

Heriotzaren eta doluaren gaia landuko da Getarian datozen asteetan

Aste honetan hasita, heriotzaren eta doluaren gaia landuko da herrian, formato eta espazio ezberdinetan, Manex Beristainen eskutik. Asteartean ekin zitzaion gaiari. heriotzaren eta doluaren tailerrak eskeini ziren eskolan, LH2 eta LH5eko ikasleei.

Heriotzaren prebentzioa landuz, 'Hitz egin dezagun heriotzaz' egitasmoaren baitan, heriotzaz hitz egiteko hiru saio proposatu ditu aurten udalak. Lehen saioa martxoaren 21an, ostegunean, egingo da, 19:00etatik 21:00etara Alondegian. Hurrengo tailerrak maiatzaren 30ean eta urriaren 24an izango dira. Parte hartzeko ez da izen ematerik egin behar.