Getaria

Go!azen telesailaren 12. denboraldiko aurrestreinaldia gaur Iturzaeta Aretoan

Go!azen telesailaren 12. denboraldiaren aurrestreinadia izango da Iturzaeta Eskolako Aretoan gaur. Tonpe Guraso Elkartea eta Lagunek antolatuta, 17:00etan hasiko da emanaldia. Aurtengoan ez da aurrez izena eman beharko, baina getariarrek izango dute lehentasuna sartzerakoan.

Sei pertsonaia berri izango ditu oraingo honetan telesailak: Karla, Maren, Roke, Azpi, Ekaitz eta Gaizka. Orain arteko protagonistekin batera, uda berezi bat igarotzeko intentzioz hurbilduko dira guztiak Basakabira. Beste behin, denetariko osagaiak bilduko dituzte kapitulu berriek: abenturak, misterioa, gaztaroko maitasuna, komedia, drama... Hori guztia, ohiturak hala nahita, euskal talde eta abeslarien kanten moldaketen erritmoan.