Aia

Egun ederra Aristerrazun

Egun ederra igandekoa Arizterrazun, bazkaria eta denboraldiko azken erromeria barne. Baina, erromeria hasi aurretik, duela hilabete 74 urterekin hil den Manuel Arrizabalaga (Izer trikitilaria) omendu zuen Andatza erromeri elkarteak, sarri etortzen baitzen Aristerrazura, gainera beti laguntzeko prest. Iosu bere semeari eta Tomaxi bere emazteari lora sorta eta Izer aita-semeak grabatutako egurra oparitu zitzaien.

Ondoren erromeria izan genuen Tapia eta Leturiarekin eta jendetza bertaratu zen, denboraldiko azken erromeriaz gozatzera. Antolatzaileak, oso gustora jendearen erantzunarekin.