Mendaro

Haurrentzako ekintzak izango dira San Juan egunaren bueltan

Mendaroko Ludotekak eta Zubigaztek haurrei eta gaztetxoei zuzendutako hainbat ekintza antolatu dituzte hilaren 20rako San Juan eguna ospatzeko.

Jardunaldia abiatzeko haurrak 17:00etan elkartuko dira ludotekan eta handik herriko enparantzara abiatuko dira. Beran su magikoa piztuko dute, eta haurrek euren nahiak marraztu ahalko dituzte. Era berean, 'Ura, aire, sua eta lurra' erronka egingo dute plazan.