Mendaro

Ekitaldi ugari Santa Ana jaiei amaiera emateko gaur Mendaron

Santa Ana jaien baitan, gaur Mendaron, goizeko 11:00etan txirrista erraldoia eta puzgarriak egongo dira Azpilgoetan. Arratsaldeko 14:30ean berriz, haurrentzako herri bazkaria eta jolasak pilotalekuan. Gero, 18:00etan, haurren danborrada aterako da ikastolatik Bizi poza txarangarekin. Ondoren, 20:00etan, Mendaroko buruhandi eta erraldoien konpartsaren kalejira izango da Mausitxako dultzaineroekin. Gaueko 21:30ean berriz, Katasorginaren igoera antolatu dute eta 21:45ean, Debrass taldearen kontzertua izango da jaiei amaiera emateko.