Deba

Zuhatza euskara elkarteak eta Kultur Elkarteak lanpostu baterako deialdia egin dute

Debako Zuhatza euskara elkarteak eta Kultur Elkarteak bi erakundeak dinamizatuko dituen pertsona kontratatzeko deialdia egin dute eta baldintzak betetzen dituztenek abenduaren 5era arte aurkez dezakete curriculuma zuhatzakulturlankidetza@gmail.com helbidearen bitartez.

Lanpostua lortzen duenak jardun osoko lanaldia izango du eta ondorengo funtzioak bete beharko ditu: Zuhatza elkartearen eta Kultur Elkartearen dinamizazio lanak; kultur ekimenen produkzioa eta antolaketa, euskalgintzako proiektuen garapena eta dirulaguntzen kudeaketa. Posturako «euskara maila oso ona; harremanetarako, taldean lan egiteko eta koordinatzeko gaitasuna; eta dinamizaio lanetan eskarmentua izatea» eskatzen da.