Ezkio

San Joan bezperako ospakizunak Ezkion eta Itsason

San Joan bezpera ekintza bereziekin ospatuko dute Ezkion eta Itsason datorren astelehenean.

Ezkion, San Joan Bezperako Topaketa egingo dute, goiko auzoan. 20:30ean afaria ospatuko dute elizako arkupetan, 22:00etan sua piztuko dute txalapartaren doinuekin eta ondoren txokolatea banatuko dute bizkotxoekin.

Egitaraua prest dute ere Itsason. 21:00etan afaria ospatuko dute Ostatuan. Izen-ematea Ostatuan bertan edo 943 880 315 deituz egin daiteke. 22:00etan kanpaiak joz, sua pizteko deia zabalduko da eta 22:30etan sua piztuko da.