Ezkio-Itsaso

Ezkio Eraikiz herri zerrenda larunbatean aurkeztuko da jendaurrean

Ezkio Eraikiz herri zerrendak ekitaldi irekia egingo du larunbat honetan udaletxean jendaurrean aurkezteko asmoz. Goizeko 11:30ean izango da eta herritarrak parte hartzera animatu nahi izan dituzte euren ekarpenak egin ditzaten.

Joseba Telleria Zubeldia izango da maiatzaren 28ko udal hauteskundeetara aurkeztuko den hautagaitza honen zerrendaburua eta haren atzetik, ordena honetan, hauek osatuko dute taldea: Itziar Etxezarreta Arakistain, Gorka Sasieta Barrenetxea, Isi Flores Caballero, Iñaki Alberdi Aranburu, Asier Alberdi Albistur eta Ainhoa Albizu Uriarte. Ordezko gisa Felix Etxeberria Arabaolaza, Agurtzane Zubillaga Azpillaga eta Asier Lizarralde Plazaola joango dira.