Ezkio

Bigarren eskuko azoka bihar Etxeberrialde kalean

Bihar egingo dute Ezkion bigarren eskuko azokaren bigarren edizioa, aurreko hitzorduak izandako arrakastari jarraituz. Etxeberrialde kalean kokatuko dira postuak eta hori dela-eta, egun horretan goizeko 10etatik 15:00etara bitartean kalearen zati bat itxita egongo dela iragarri dute Udaletik (1 zenbakitik 4era).

Pasa den urrian egin zuten lehen aldiz bigarren eskuko azoka. Guztira 21 postu izan ziren, artikulu ezberdinekin.