Larunbatean hasiko dira Lizartzako Inauteriak

Goiz datoz aurten Inauteriak eta Lizartzan asteburu honetan izango dituzte lehen ekitaldiak. Larunbat honetan, urtarrilaren 23an, Inauteriei hasiera emango diete gibela dastatuz, Udal ordezkariak eta txekorra plazan direla. Ondoren an-tzerkia egongo da eta Otsolar dan-tzan taldeak emanaldia eskainiko du. Iluntzean, 19:00etan, kantu poteoa egingo da herriko inauteri kantuak abestuz.

Hurrengo asteburuan izango dute jarraipena Inauteriek. Ostiralean eskolak antolatutako mozorro festa egingo da eta larunbata izango da egun handia. Goizean goizetik puska-biltzea, kalejira, dantzariak, txantxoak, txistulariak eta abar herrian zehar ibiliko dira. Eguerdian mozorroak eta gurdiak gehituko zaizkie eta egunaren amaieran sagardo dastaketa eta talo-jana ere izango da. Igandean ere egongo da jai-giroa eta iluntzean emango zaie amaiera Inauteriei 'ijitoa' erreaz.