Jai giroan murgildu dute Astelenita

Herria hartu du Astelenitak, udalerriko astelehenik jendetsuenak, eta bertaratu diren lagunek kalera atera dituzte mozorrorik ikusgarrienak. Konpartsen desfileak heldu eta gazteak jarri ditu dantzan; jai-giroak hazten jarraitu du egunak aurrera egin ahala.

Tolosako inauteriak kolokan jar ditzakeen fenomeno bakarra, segur aski, eguraldia da, eta hori ere alde izan dute asteburu osoz tolosarrek. Goizeko 9:00etan abiatu da Astelenitako egitaraua, txaranga kalera irten denean. Parte zaharrean ibili dira andereño Kizkurneren ikasleak, autobus magiko eta guzti, eta baita Berebiziko Espioiak ere.

11:00etan hasi dira aisialdi taldeetako lagunak San Frantziskon dantza barreiatzen. Karroza eta konpartsez gain, DJ ibiltaria, kalejira, zezenak eta txarangak ariko dira giroa berotzen.