Lazkao

Amalur Mendi Elkartearen irteera Zumaia eta Debara

Amalur Mendi Elkarteak mendi irteera bat antolatu du igande honetarako, kostaldeko paisaiaz gozatu nahi duten mendizaleentzako. Irteera Zumaia eta Deba arteko oinezko ibilbidean burutuko da.

Jardunaldia goizeko 07:30ean hasiko da Lazkaoko Itzala tabernatik Zumaiara autoz abiatuta. Behin Zumaian, parte-hartzaileek oinez hasiko dute ibilbidea, guztira 16 kilometroko luzera eta 630 metroko desnibel positiboa izango dituen bidean.

Bazkaria mendian egingo da, eta, horregatik, parte-hartzaileei gomendatzen zaie euren janaria eramatea. Irteeran izena emateko azken eguna gaur izango da. Horretarako, mezu elektroniko bat bidali beharko da amalur.me@gmail.com helbidera edo 695 78 20 21 zenbakira deitu.