Kantuz amaitu dute Orkatz abesbatzako hiru taldeek ikasturtea

Urtero bezala, Orkatz Abesbatza osatzen duten hiru taldeek, ikasturte on bati amaiera eman zioten kantuz. Honela, euria medio, Eskolako patioan egin zuten beraien azken kontzertua.

Gaur arratsaldean, LGTBIQ+ harrotasunaren egunaren aitzakian, eskolako gimnasioan, ESNATU NAIZ, antzezlana ikusteko aukera izango da. Emanaldia, arratsaldeko 19:30ean hasiko da eta sarrera dohain izango da.

Datorren abuztuaren 1era udako ordutegia egongo da martxan Udal Liburutegian, honela astelehen eta ostiraletan irekiko delarik goizeko 10:30etik eguerdiko 13:30era. Astearte, asteazken eta ostegunetan liburutegia itxita egongo da.

Iaz bezala, Zerki enpresak kudeatuko ditu idiazabalgo igerilekuak. Aurtengoan, aurreko bi urteetan ez bezala, Covid-aren aurkako ezohiko neurririk gabe irekiko dira.

Aurrez, urteko abona egiteko denbora ere egongo da. Honela, astelehen eta astearte arratsaldean, 5etatik 7etara, igerilekuan bertan. Bi abonu mota daude; pertsonala eta familiakoa. Pertsonalean, 3-14 urte bitarteko haurrek, 28 euro ordainduko dute; 15 urtetik gorakoek berriz, 39 euro.

Familikoen artean berriz, seme alaba bakarrekoek, 72 euro; bi seme-alaba edo gehiagokoek 72 euro; haurrik gabeko bikoteek 67 euro eta guraso bakarrekoek 56 euro. Abonuak, momentuan bertan ordainduko dira eta txartelaren bidez edo metalikoan ordaindu ahalko dira.

Temas

• Zegama