Hiru eguneko dolua Berastegin

Samina sortu du Berastegin Fermin Caminos gaztearen heriotzak. Herrian oso ezaguna zen larunbatean Aspen istripu izan ostean hildako berastegiarra. Udalak hiru eguneko dolua izendatu du gertakariaren «inpaktuarengatik», adierazi du ohar bitartez.

Udalak «babesa eta elkartasuna» adierazi nahi izan die Fermin Caminosen sendiari, baita ezbeharraren unean «bere ondoan zeuden herritarrei zein gertukoei. Beraien zerbitzura gaudela jakinarazi nahi diegu», dio testuak.

Gainera, Berastegiko Udalak antolatuta dituen ekintza ofizialak atzeratzea erabaki du, herriko bandera masta erdian kokatu du lazo beltzarekin eta hiru eguneko dolua izendatu du.