«Eskubaloia nire bizitza izan da»

Josu Zabala Barandiaran

Domingo, 29 de junio 2025, 00:15 | Actualizado 11:53h.

Comenta

Bi urte dira jada herriko aktibo nagusienetako batez gozatzeko aukera ez dugula, pena handia ematen dit, baina bizitza etapa ezberdinez osatuta dago, eta inoiz ez ditut ahaztuko eskubaloiaz gozatzeko aukera izan genuen urteak». Iñaki 'Ambrosio' Apaolaza ormaiztegiarra herriko figura erreferente nagusienetako bat da; jokalari bezala 10 urte eman zituen Ormaiztegi Kirol Elkarteko (O.K.E.) eskubaloi taldean, baina are ezagunagoa da ia 40 urteko entrenatzaile ibilbideagatik. «Ormaiztegi mapan jartzen lagundu dugu urte hauetan guztietan. Ehunka jokalari, talde eta zaletu pasatu dira Zubipe kiroldegitik eskubaloiaz gozatzera. Eskubaloia nire bizitza izan da, eta oraindik ere bada», azaltzen du Ambrosiok.

Herritar multzo batetik sortutako kirol taldeak mugak gainditzea lortu zuen auzolan eta ilusioz. «Gogoratzen dut taldearen lehen urtetan Barakaldo, Eibar eta bestelako talde handiak gurean aritzen zirela, maila oso altuko jokalari kanpotarrekin. Eta guk, talde umil baina gogorra genuen, Ormaiztegiko armarria defendatzeko ideia argiarekin. Ilusio handiz bizi izan dugun proiektua izan da, baina ez bakarrik jokalari eta entrenatzaileek; herritarrek ere bere sentitzen zuten taldea, eta ez zuten hutsik egiten asteburuero», gogoratzen du Apaolazak.

Herriko giroa ez da itzali bi urteren ostean, baina bihotzez gogoratzen ditu urte horiek. «Partiduak amaitzean, kiroldegi inguruko eta herriko beste tabernetan biltzen ginen denok (jokalariak, staffeko kideak, ikusleak, familiak...) eta jardunaldi bakoitzeko anekdotak komentatzen genituen trago artean. Azken urteetan ere, kategoriako ikusle gehien biltzen zituen kantxa genuen, eta nabaria zen bertako ikusleen bultzada. Plazer hutsa zen bertan aritzea», dio Ambrosiok.

ORMAIZTEGI

Comarca:

Goierri

Habitantes:

1.266

Euskaldunes (2021):

75,57 %

Densidad población:

184,81 hab/km2

Tasa de paro (2023):

7,8 %

Renta personal (2022):

25.719 €

Altitud:

195 m.

Superficie:

685 Ha

ORMAIZTEGI

Goierri

Comarca:

Habitantes:

1.266

Euskaldunes (2021):

75,57 %

Densidad población:

184,81 hab/km2

Tasa de paro (2023):

7,8 %

Renta personal (2022):

25.719 €

Altitud:

195 m.

Superficie:

685 Ha

ORMAIZTEGI

Comarca:

Goierri

Habitantes:

1.266

Euskaldunes (2021):

75,57 %

Densidad población:

184,81 hab/km2

Tasa de paro (2023):

7,8 %

Renta personal (2022):

25.719 €

Altitud:

195 m.

Superficie:

685 Ha

ORMAIZTEGI

Comarca:

Goierri

Habitantes:

1.266

Euskaldunes (2021):

75,57 %

Densidad población:

184,81 hab/km2

Tasa de paro (2023):

7,8 %

Renta personal (2022):

25.719 €

Altitud:

195 m.

Superficie:

685 Ha

Herri txikietako grina ez da sekula galdu Ormaiztegin. «Ormaiztegiarrak 'harrikalariak' gara, eta betidanik izan gara kementsuak kantxan. Defentsan beti aritu gara gogor eta gure limitazioekin; bagenekien zein zen garaipena bilatzeko bidea. Azken urteetan, tendentziak eta jendearen nahiak aldatu egin direla argi dago, eta gure senior taldeko jokalariak pixkanaka taldea uzten joan ziren, konpromisoak, lana, familia... direla medio. Batzuk beste talde batzuetara mugitu dira, eta sekulako maila erakusten ari dira. Herri txiki bat izanda, erreleboa bilatzea ez da sekula erraza izan, eta horregatik eten da azken urte hauetan», aipatzen du.

«Hala ere, argi dut eskubaloi taldearen historia ez dela hemen amaitzen. Ormaiztegi eskubaloia da, eta hori ez da aldatuko. Orain, gaztetxoekin lanean dabilen taldetxo bat eratu da, eta lanean ari dira proiektua berpizteko. Bitartean, urte luze eta eder hauetan bizitakoa gogoratzea besterik ez zaigu geratzen. Emandako guztiaz harro gaude guztiok, eta laster Zubipe berriro ere beteko delakoaren esperantzarekin gaude herritar asko, behinola bertan bizitakoa berriro bizitzeko nahia ez baita itzaltzen ormaiztegiarrongan», amaitzen du Ambrosiok.