Kultur ekitaldiak jarraitzen dute Kultur Astearen barruan

Atzo 12 bikotek parte hartu zuten Gaztainondo jubilatu elkartean egin zen mus txapelketa azkarrean. Juan Luis Zubiria eta Xabier Egialde izan ziren txapeldunak. Bigarrenak, Pedro Otxandorena eta Joxelu Ansa izan ziren. Beraien atzetik, Aitor Otxamdorena eta Xabi Saralegi gelditu ziren eta laugarren, Jesus Irizar eta Juan Mari Azurmendi izan ziren.

Goizean mendi irteera izan zen herriko estazio megalitikoak ikusiaz, besteak beste. Manu Zeberio arkeologoa izan zuten gidari, hiru bat orduko ibilaldia eginez.

Gaur, 17:00etan 'Kontu eta kantu' ikuskizuna izango da haurrentzat Udalean. Bertan haurrek kantu,ipuin eta bertsoez gozatzeko aukera izango dute. 19:00etan Xendarineko ahizpen kantu emanldia izango da erabilera anitzeko gelan.