Gales, Kalifornia eta Quebec, euskal katedra berriak

2022-23 ikasturteari begira euskarari eta euskal kulturari buruzko hiru katedra berri abian jarriko dituela aurreratu du Etxepare Euskal Institutuak, hurrenez hurren Gales, Kalifornia eta Quebeceko unibertsitateetan. Zehazki, Frank Bidart katedra (California State University Bakersfield, AEB), Elbira Zipitria katedra (McGill University, Quebec) eta Alan R. King katedra (University of Wales Trinity Saint David, Gales) katedrak sortuko dira. Azken honen lehen xehetasunak pasa den apirilean aurkeztu ziren, besteak beste euskal eta galesko soziolinguistika, hizkuntza plangintza eta hizkuntza politikaren inguruko ikerketa eta elkarlan akademikoa sustatzea duela helburu, baita euskal eta galestar kultura eta hizkuntzen arteko elkar ezagutza indartzea ere l

Katedra berriak aurrez jada martxan dauden Haritschelhar eta Munduko Hizkuntza Ondarea katedrari batuko dira. Lehena Etxepare Euskal Institutuak eta Université Bordeaux Montaigne unibertsitateak 2016an sinatu zuten hitzarmenaren fruitu da eta bertan euskal ikasketak sustatzea du helburu

Bestetik, Munduko Hizkuntza Ondarea katedra 2006an sortu zen sortu zen dibulgazioaren, sentsibilizazioaren eta lankidetza zientifikoaren bidez Euskal Herriko zein munduko hizkuntza ondarea babesteko, EHU eta Unescoren hitzarmenari esker.

Hiru katedra berrien aurkezpena bihar egingo da Donostian hiru unibertsitateotako ordezkariekin. Katedrak euskara eta euskal kulturako katedrak euskal ikasketei buruzko irakaskuntza espezializatua eta ikerketa akademikoak sustatzeko tresnak dira, eta irakasle espezializatuek edo artista eta sortzaileek unibertsitate batean egindako egonaldien bitartez gauzatzen dira.

Temas

• Euskera
• EHU
• Zabalik