Ohorezko Erregional taldeak gaur arratsaldean jokatuko du

Gaur arratsaldean, OKEko Ohorezko Erregional taldeak ligako bosgarren neurketa jokatuko du, Karla Lekuona zelaian. Aloña Mendi izango du aurkari arratsaldeko 15:45ean hasiko den partidan.

Taldeak zazpi puntu batu ditu orain arte: bi partida irabazi, bat berdindu eta azkena galdu egin du. Hortaz, oiartzuarrak bosgarren koskan daude, hemezortzi taldeko zerrendatik. Oñatiarrak, berriz, bigarren koskan daude, bi puntu gehiago batuta: hiru irabazi ditu eta bakarra galdu.

OKEko emakumezkoen talde nagusiak, berriz, bihar jokatuko du Burgosen aurka. Goizeko 12:30ean izango da neurketa, Jose Manuel Sedano zelaian.

Temas

• Oiartzun