Olatz Mitxelena Larretak irabazi du Bordari Literatura Saria, Hondarribian

Joan den astean, Bordari Literatura saria banatu zen Hondarribian. Bertan, Olatz Mitxelena Larreta oiartzuarra izan zen irabazle ipuin lehiaketaren XXXI. edizioan.

Mitxelenak 'Oinordetzak' lanari esker eskuratu zuen lehen saria, 800 euro eta oroigarria hain zuzen.

Ez da lehen saria oiartzuar gaztearentzat. Izan ere, Eusko Jaurlaritzak antolatzen duen Urruzuno lehiaketa irabazi izan du, baita Ereintza elkarteak antolatzen duen Errenteria Hiria ipuin lehiaketa ere.