Getaria

Salbatore Deuna Abesbatzak kontzertua eskaniko du igande honetan bi partaide omenduz

«Salbatore Abesbatza familia baten modukoa gara. kide ezberdinak, bakoitza bere egunerokoarekin, baina tartean behin, bat egiten dugunak, elkartu eta gure pasioetako bat asetzeko, kantatzea. Ez edozein moduz gainera, kantatuz gure herria, Getaria, laguntzen dugula pentsatzen baitugu», hitz hauekin hasiko da igandean Salbatore Deuna Abesbatzaren kontzertua, elizan, 12:30ean.

Aurrez, 11:00etako mezetan kantatuko dute eta kontzertuan 9 kantu abestuko dituzte Jexux Aldalurren zuzendaritzapean. Emanaldia hasi aurretik 80 urtetik gora dituzten bi korukide omenduko dituzte, Mari Kruz Egaña eta Xatur Larrañaga. adinean gora, bai, baina kantatzeko gogoari eutsiz oraindik.