Gabonetako sari txartelak eskuragarri Babexako dendetan

Gabonak datozenez, Babexa Getariako Dendari Elkarteak kanpaina berria jarriko du martxan. Bihar hasi eta hilaren 22a bitartean, Babexa elkartearen baitan dauden establezimenduetan sari txartelak banatuko dituzte.

Orotara, 1.000 sari pasatxo daude. Gehienak deskontuak dira, baina produktuak ere badaude. Hala, bost eurotik gorako gastua egiten duen bezero orori txartel bat emango diote. «Bost eurotik gorako erosketa bakoitzeko txartel bat emango dugu; berdin du zenbateko gastua egin». Txartela zabaldu eta bezeroak momentuan bertan jakingo du zerbait irabazi duen eta hala bada, zer sari eskuratuko duen.

Txartelak hilaren 12tik 22ra banatuko dituzte eta saria lortzen duten herritarrek urtarrilaren 6a bitartean erabili beharko dute. Sariak nahastuta egongo dira eta, beraz, denda batean beste saltoki bateko produktua edo beste saltoki batean erabiltzeko saria toka daiteke.

Temas

• Getaria