Soraluze

Galtzagorrik eta Udalak koadrodun zapiak aterako dituzte jaietarako

Udalak eta Galtzagorri jai batzordeak proposatuta, aurtengo jaietako zapia koadroduna izango da.

Edonola ere, koadrodun bi zapi egongo dira herritarren eskura. Horietako bat Galtzagorrik aterako du bere irudiarekin eta txosnetan erosi ahalko da. Bestea Udalak aterako du 'Soraluzeko jaixak' hitzekin eta ikas bidairako dirua batzen diharduten gazteek salduko dute uztailaren 23an (arratsaldez) eta 24an (goiz zein arratsaldez). Hilaren 24 iluntzetik aurrera hainbat tabernatan salduko da zapia, 3 eurotan.