Mutriku

Goi mailako bertso saioa izango da irailaren 6an Zabiel plazan

Mutrikuarrek Udalak Galbaixoetako festen atarian urtero antolatzen duen bertso-saioaren edizio berri batekin disfrutatzeko aukera izango dute irailaren 6an.

Bertso jaialdia 22.30ean hasiko da Zabiel plazan eta bertan punta puntako bertsolariak arituko dira kantuan: Maialen Lujanbio, Nerea Ibarzabal, Aitor Mendiluze eta Agin Laburu. Gai jartzaile lanetan Unai Belaustegik jardungo du.