Gorka Arrutik irabazi du Ibarrako 40. San Bartolome txirrindulari saria

Juniorren eta bigarren urteko kadeteen XL. San Bartolome txirrindularitza saria jokatu berri da Ibarran (Tolosaldea) eta Lagun Onak txirrindulari elkarteko Atracciones Sanz taldeko Gorka Arrutik irabazi du lasterketa. 86 parte hartzaile izan zituen Ibarra kirol elkarteak antolatutako txirrindulari probak eta Azpeitiko taldeko mutilak 2:10:32an amaitu zituen egin beharreko 92,5 kilometroak.

Atracciones Sanz taldeko Azpeitiko ordezkariak bost segundoko aldea atera zien Iruki-Donostialdea taldeko Aimar Alarciari eta Entente Iparraldeko Kayet Iribarneri.

Temas

• Azpeitia