Emakumearen aurkako indarkeriari ezezko biribila

Pasa den igandean, Emakumeenganako Indarkeriaren Aurkako Nazioarteko Egunean, herriko eragileek bat egin zuten Korta eta Zapas Enparantzan, emakumeenganako tratu txarrak salatu, eta norabide horretan kontzientzia eta sentsibilitatea areagotzeko helburuz.

Herriko taberna eta komertzioetan puntu moreak banatu ziren goizean goizetik, eta Ugaro Herri Ikastetxeko haurrek ere hartu zuten parte, lehenik eurek egindako marrazkiak erakutsiz, eta ondoren, mosaiko more handi bat osatuz plazan, herriko eragile ezberdinetako ordezkari eta hainbat gurasorekin batera.

Ekitaldiaren amaieran, adierazpena irakurri zen udaletxeko balkoitik.