Zeraingo Herri Kandidatura udal hauteskundeetan egongo da

Zeraingo Herri Kandidaturaren alde konpromisoa hartu duten herritarrak, artearen azpian. /
Zeraingo Herri Kandidaturaren alde konpromisoa hartu duten herritarrak, artearen azpian.

El Diario Vasco
EL DIARIO VASCO ZERAIN.

Zeraingo Herri Kandidatura maiatzaren 26ko hauteskundeetan egongo da. Horrela erabaki dute «herrian zein situaziotan gauden ikusita, eta Zerainentzat onene dela pentsatuta, azken hilabeteetan egindako prozesu eta eztabaida ireki, plural eta parte hartzailearen ondoren». Hautagaitza duela egun batzuk aurkeztu zen, artearen azpian berriro ere. Bederatzi herritarrek osatzen dute zerrenda, baina beraiekin batera 30 herritarretik gora dira «herriak bizi duen gatazka eta zatiketa egoera konpondu eta denok hobeto bizitzeko aukera izango dugun Zerain egiteko proposamenta de konpromisoa» hartu dutenak.

Duela lau urte, lehen aldiz alderdi politiko batek, EH Bilduk, Zeraingo udalerako hautagaitza aurkeztea erabaki zuen, eta egoera berri horren haurrean, orduko herri kandidaturak bere zerrenda erretiratzea erabaki zuen. Lau urte hauen ondoren, «zoritxarrez Zerain ez dago normaltasunean», diote Zeraingo Herri Kandidaturatik. «Agerikoak dira gatazka, zatiketa, proiektu nagusiekiko adostasun falta, pertsonen arteko urruntzeak, elkarbizitza azaroak eta abar. Ezin dugu normaltzat jo hori horrela izatea; ezn dugu onartu horrelako herri batean bizitzea».

Hautagaitza honen helburua «oraingo egoerari buelta eman» eta «ondo biziko garen Zerain lortzeko bideari ekitea» da. Horretarako, konpromiso garbia azaldu gute: «gu ez gara politikariak, gure herriarentzat onena nahi dugun herritarrak gara. Eta udal hauteskundeetara aurkezten bagara, ez da anbizio edo interes politiko, pertsonal edo boterekoak lortzeagatik, gure herriarekin, gure familia eta herrikideekin dugun konpromisoagatik baizik».

Datorren legealdiari begira, hiru konpromiso finkatu ditu kandidaturak: herri-antolakuntza sistema berria martxan jartzea, herri programa herritarrek erabakitzea eta herria batzeko bidea lantzea. Hiru hauen gainetik, «denok hobeto biziko garen gauztion Zerain lortzea» dago.