Zegama, basoaren kulturari lotua

Joseba Izagirre eta Luis Mari Zaldua egitasmoaren aurkezpenean./ALBIZU
Joseba Izagirre eta Luis Mari Zaldua egitasmoaren aurkezpenean. / ALBIZU

'Zegama: Basoaren kultura' egitasmoaren barruan, bederatzi pago kimatu eta horiek ezagutzeko bisita antolatu dute, eta Anduetzan txondorra piztuko dute bihar

EDURNE ALBIZUZEGAMA.

'Zegama, basoaren kultura' proiektuaren aurkezpena egin zen atzo, osteguna, Anduetza parketxean. Proiketuaren aurkezpena Joseba Izagirre Zegamako alkateak eta Gipuzkoako Parketxeen Sareko zuzendaria den Luis Mari Zalduak egin zuten. Proiektu honetan parte hartu duten Gipuzkoako Foru aldundiko Mendietako Zuzendaritzako basozain eta arduradunak ere bertaratu ziren.

Proiekua Zegaman egitearen arrazoia herriak basoarekin aspaldidanik duen lotura estua da. Bertan basoari buruz dagoen jakinduria hori herritar eta hezkuntza mundura ere helarazi nahi da, modu erakargarrian. Horretarako, Murgisarri mendian zuhaitz lepatuak egiten hasi da Udala Gipuzkoako Foru Aldundiaren laguntzarekin, eta bisita gidatua egindo da, proiektua eta basoa ezagutu ahal izateko. Testuinguru horretan, txondorra piztuko da, eta horrela jarraituko du azaroaren 11ra arte, bertara ere txondorraren piztuera izango dugu, datorren azaroaren 11 arte eta bertara ere egin ahal izango dira bisita gidatuak.

Urriak 13
Txondorra pizteko jaialdia.
Urriak 21
Ibilaldi gidatua Alvaro Aragon Ruano adituaren eskutik, zuhaitz lepatuak ezagutzeko.
Azaroak 11
Txondorra itzaltzeko eta egur ikatza ateratzeko ekitaldia.

Zegamak aspalditik basoarekin duen lotura hori eta aurrera begira esku artean dituen asmo berriak kontuan hartuz, Udalak egitasmo berri bat sortu nahi izan du basoaren eta paisaia kulturalen inguruan, Anduetza parketxearekin elkarlanean garatzen dituen ekimen guztietan aterki modura erabiltzeko. 'Zegama, basoaren kultura' egitasmoak ezin hobeto jasotzen du hori guztia. Basoaren inguruan antolatzen diren askotariko ekintza eta programei ikusgaitasuna indartuko die eta eduki zein helburuetan eraginkorragoak izaten lagunduko die.

'Zegama, basoaren kultura'-ren barnean antolatuko diren ekintza eta programek hurrengo helburuak izango dituzte, besteak beste, antolatzaileek azaldu zutenez: «Gure paisaia kulturalaren ulermena eta ezaguera sustatzea, bereziki basoaren kasuan; duela hamarkada gutxi arte basoaren kudeaketa jasangarriaren eredu eta biodibertsitatearen gordailu diren zuhaitz lepatuak balioan jartzea, ezagutzaren bidetik bere kontserbazioa sustatuz; basoaren kulturaren inguruan ingurumen-hezkuntza ekintza eta programak garatzea; eta basoaren kultura jasangarria sustatzeko kudeaketa ekintzak sustatzea».

Temas

Euskera

Contenido Patrocinado

Fotos

Vídeos