Yoga ikastaroan izena emateko epea ireki da

NUÑEZ LEGORRETA.

Legorretako Udaleko Kultur Lantaldeak yoga ikastaroa antolatu du ikasturte honetarako. Abelina Manso izango da irakaslea, Ugaro Herri Ikastetxeko bi urteko gelan emango ditu ikastorduak, astelehenetan 18:00etatik 19:30era. Ikastaroa urriaren 1ean hasiko da.

Ikastaroa aurrera ateratzeko zazpi eta hamar ikasle arteko taldea sortu beharko da, izena emandako zerrendaren arabera sartuko direnak.

Ikasturte osoko matrikularen kostua 270 eurokoa izango da, 30 euro hilean.

Ordainketa Patxi Ezkiaga Kultur Etxean egin beharko da izena ematerakoan, edo bertan emandako argibideak jarraituz ordainketa agindu iraunkor bidez. Behin ikastaroa hasita, ez da dirurik itzuliko, ezta ordainketa agindua baliogabetuko.

Autobidean lanak

Asteburu honetan, N-1 errepideko zorua berritzeko egiten ari diren lanen baitan Legorretako parean dagoen zatia konpontzen ariko dira Irunerako noranzkoan. Hori dela eta, herrira sartzeko Ikaztegietako lotunea erabili beharko da, 428 puntu kilometrikoan.

Contenido Patrocinado

Fotos

Vídeos