Tolosa Goierri

Villa Encarnación eraikina eraisten hasiko dira gaur

Zubiondo hirigintza-eremua garatzeko bidean, Villa Encarnación eraikina eraitsi egingo dute. Eraikina Ernio Bidea 4an dago kokatuta, egoera txarrean eta eraisteko agindua du.

Eraisteko lanak gaur hasiko dira eta larunbatean bukatzea aurreikusten dute. «Lanek eragozpen puntualak sor ditzakete inguruan. Hori dela eta, herritarren pazientzia eta ulermena eskertzen ditugu, eta eragozpenak ahalik eta txikienak izan daitezen ahaleginduko gara», adierazi du Maite Amenabar alkateak.

Udalak eskerrak eman nahi dizkie, aldez aurretik, inguruko bizilagunei egoera honen aurrean erakutsitako ulermenagatik.

Ohi bezala, udaberriarekin batera 'Pausoka, adinak ez du inporta' egitasmoa hasiko da berriz. Denboraldiko lehenengo ibilaldia ostiralean egingo dute, Asteasuko bidegorritik.

Parte hartzaileak 10:00etan elkartuko dira Joxe Arregi plazan eta, hiru ibilbide antolatuko dira guztira, distantzia ezberdinetakoak: bat Burrusti baserri pareraino, bestea Martxetaundi baserriraino, eta azkena Asteasuraino.

Amaieran, hamaiketakoa eskainiko zaie parte-hartzaile guztiei, eguerdiko 12:00ak aldera plazan.