Tolosa Goierri

Urtzi Gorostiaga garaile XIII. Ahoz Ahoko Ipuin Narrazio Lehiaketan

Ostiral iluntzean, ahozkotasunaren indarra eta sormena izan ziren protagonista Ordiziako D'Elikatuzen egindako Ahozkotasunaren Galan. XVIII. Ahoz Aho jaialdiaren barruan antolatutako ekitaldian, ipuin kontaketa eta lehiaketa uztartu zituzten, eta bertan, Urtzi Gorostiaga ataundarra nagusitu zen XIII. Ahozko Ipuin Narrazio Lehiaketako finalean.

Iñaki Carreterok aurkeztu zuen saioa, eta bertaratutakoek Arrate Leunda, Eneko Haritza eta Cardelina ipuin kontalarien lanaz gozatzeko aukera izan zuten. Profesional hauek ahozko tradizioa gaur egunera ekartzen jakin zuten, kontakizun biziz eta eszenaratze indartsuz.

Lehiaketako une garrantzitsuenetako batean, Urtzi Gorostiagak publikoaren eta epaimahaiaren arreta bereganatu zuen bere ipuinaren erritmo, tonu eta mezua tarteko.

Bere aurrean izan zituen Maria Alonso del Val eta Asier Zubia ere maila handiko finalistak izan ziren, baina Gorostiagaren narrazioa nabarmendu zen azkenik.