Udal eraikinen garbiketa zerbitzua esleituko da

NÚÑEZ IKAZTEGIETA.

Urtarrilaren amaieran bukatzen da indarrean dagoen Ikaztegietako Udal eraikinen garbiketa zerbitzuaren kontratua. Horregatik, Udalak esleipena ireki du berriro. Besteak beste, kiroldegiko, balio-anitzeko gelako, herri eskolako, herriko komunen eta haurtzaindegiko garbiketa-zerbitzua hartuko du bere gain esleipendunak.

Interesatuek lizitazioan parte hartu ahal izateko Eusko Jaurlaritzako Lizitatzaile eta Kontratisten Erregistroan alta eman beharko dute http://www.contratacion.euskadi.eus webgunean edo 945016298 telefonoan. Lizitazioa elektronikoa izango da. Beraz, IZENPEko txartela, B@kQ txartela, NAN elektronikoa edo bestelako sinadura elektronikorako ziurtagiriak beharko dira lizitatu ahal izateko.

Gainera, garbiketa zerbitzuaren esleipendunak gizarte segurantzan autonomo gisa alta emanda egon beharko da, baita Jarduera Ekonomikoen gaineko Zergan eta BEZan ere. Esleipendunak 18 urtetik gorako adina eta euskaraz komunikatzeko gaitasuna izan behar du. Garbiketa produktuak garbitzaileren esku joango dira, papera eta eskuetarako xaboia ezik. Urtean 1.100 lanordu inguruko estimazioa egiten du Udalak.

 

Fotos

Vídeos