Tolosa Goierri

Udako ludotekan izena emateko epea irekita dago

Udaleku irekiak antolatuko ditu Udalak aurten ere ekainaren 23tik uztailaren 24ra. Ohiko ordutegia izango du zerbitzuak, 9:30etik 13:00etara. Gainera, Goiz txokoa ere eskainiko da 7:30etatik 9:30etara.

Udalekua HH2tik LH6ra bitarteko haurrei zuzenduta dago. Izena emateko epea irekita dago apirilaren 11ra bitartean kultur etxean edo www.alegia.eus webgunean dagoen formularioaren bidez.

Bi txanda antolatuko dira, ekainaren 23tik uztailaren 4ra bitartean eta uztailaren 7tik 24ra. Alegiako jaietako astean ere ludoteka egongo da. Hilabete osoan parte hartzeko aukera badago. Hobariak eskatu nahi dituztenek Gizarte Zerbitzuen bulegoan kontsultatu beharko dute, 943.654.768 telefono zenbakira deituz.