Tolosa Goierri

Udaberriko azoka izango da bihar Kulturaldiaren bukaeran

Garaiko eta bertako produktuen aukera zabala izango da bihar igandearekin Berrobin Kulturaldiari amaiera emateko. Aurten ere Udaberriko Azoka antolatu du Udalak. Ohi bezala, artisauen produktuak erosi ahal izango dira, ekoizleei zuzenean: eztia, xaboiak, egur-tailak, jantziak, osagarriak, marmeladak, esnekiak eta abar. Eskualdeko zein Gipuzkoako produktuak izango dira nagusi. Gainera, bihar arratsaldean dantza emanaldia izango da herriko haur, gazte eta helduen eskutik 18:00etan.