Tolosa Goierri

Txaramako festak ospatuko dituzte gaur eta bihar

Txarama auzoko festak antolatu ditu jai batzordeak astebukaera honetarako. Gaur ostiralarekin, Sarek deitutako elkarretaratzea egingo dute 20:00etan eta, jarraian, barrikotea, herriko musikariek alaituta. Janaria norberak eraman beharko du. Ondoren, karaokea antolatuko da.

Bihar, auzoko argazkien erakusketa irekiko da 11:00etan Txaramako Kultur Etxean, garai bateko eskolan. Eguerdian luntxa eskainiko da Oihana Iguaran eta Angel Mari Peñagarikano bertsolariekin. Ondoren, auzoko bazkaria egingo da. Bazkalondoren, bertsolarien eta herriko musikarien saioa, festak agurtzeko.