Tolosa Goierri

Trakzio mekanikodun ibilgailuen zerga ordaintzeko epea irekita dago

Larraulgo Udalak trakzio mekanikoko aurtengo ibilgailuen errolda onartu du. Errolda jendaurrean egongo da ikusgai hilabeteko epean Gipuzkoako Aldizkari Ofizialean argitaratu zen egunetik, herritarrek aztertu eta hala egotziz gero ezadostasun errekurtsoa aurkeztu dezaten udaletxeko sarrera erregistroan.

Gainera, joan zen apirilaren 1etik aurrera eta datorren ekainaren 2ra arte, ibilgailuen zerga ordaintzeko epea ireki du. Helbideratuta ez daukatenek Aurrezki Kutxa edo banketxeen bidez egin ahal izango dute ordainketa, edota udaletxeko bulegoan. Epe barruan ordaintzen ez badira, prozedura exekutibotik eskatuko dira eta horiei premiamenduzko errekargua, berandutza interesak, eta sor daitezkeen kostuak gehituko zaizkie.

Aiztondo Zerbitzuen Mankomunitateak ludoteka eta udalekuak antolatu ditu hamabi urtera arteko haurrentzat. Jarduerak ekainaren 23 eta uztailaren 18 bitartean izango dira.

Udalekuetan mankomunitateko herri guztietako haurrak elkarrekin ibiliko dira. Zerbitzua goizeko 9:30etik 13:00etara izango da, astelehenetik ostiralera. Izena emateko epea irekita dago jada udal bulegoetan edo liburutegian.