Tolosa Goierri

Tolosaldeko Emakumeen Txaranga jarriko dute martxan Inauterietan

Aurten Andragora Tolosaldeko Emakumeen Etxeak Txaranga sortu nahi du eta lehen irteera Inauterietan egingo du. Txarangan parte hartzea irekia da, musika egitea guztatzen zaien eskualdeko emakume guztientzako. Ekimen honen helburua «plaza publikoa hartzeko espazio alai eta ahalduntzailea» sortzea da.

Txarangora izena jarri diote taldeari eta parte hartu nahi duten guztientzako entsegua antolatu dute. Hau otsailaren 26an, asteazkenarekin, egingo dute, Tolosan dagoen Andragorako lokalean 18:00etan. Kalejira, berriz, otsailaren 28an, Inauterietako Ostiral Mehean, egingo dute, Andragoratik abiatuta 18:00etan.