Tolosaldea: Los alcaldes, municipio a municipio

DV

Abaltzisketa: Abaltzisketako udal taldeak aho batez berretsi zuen Jon Zubizarreta alkate moduan. Zubizarretaren hirugarren legegintzaldia izango da hasi berri duena. Sei zinegotzi arituko dira berarekin Herrigintza udal taldean.

Aduna: Adunako EH Bilduko kideek beren karguak zin egin zituzten atzo. Josu Amilibiak hirugarren legegintzaldia izango du eta berarekin batera arituko dira Jone Olasagati eta Arkaitz Izagirre, aurreko lau urteetan egon direnak, Ainhoa Arruti, Xabier Zabala, Ainhoa Arretxe eta Xabier Tejeria.

Albiztur: Udal talde gaztea izango du Albizturrek. 23 urteko Iñaki Orbegozo izendatu zuten aho batez alkate karguan altzo bazkalondoren ospatu zuten eraketa plenoan. Albiztur Bizituz udal taldeko zazpi zinegotziek azken lau urteetan herritarrek osatutako talde kudeatzailea ordezkatuko dute herrigintzan.

Alegia. Zortzi urteren ostean, Unai Iraolak lekukoa pasatu zion atzokoan talde politiko bereko, EH Bilduko, Arantxa Irazustari.

Alkiza: Bilkura goiztiarra izan zen Alkizan, 9:00etan. Udaletxearen azken solairuan dagoen Fagus Alkiza Interpretazio Zentroan egin zuten udalbatzaren eraketa plenoa. Shrabani Aranzabek eta Jose Mari Aranzabek osatutako adineko mahaiaren ondoren, zinegotzi guztiek kargu hartu zuten eta Iñaki Irazabalbeitia izendatu zuten alkate. Jon Umerez azken bi legegintzaldietako alkatearen eskutik jaso zuen aginte makila. Udal talde berriari eskerrona aurrera begirako lana eta ondo egindakoaren poza opa zien.

Altzo: Joseba Elduaienek Txomin Rezolari Altzoko alkate kargua pasa zion atzoko udal eraketa plenoan. Belaunaldiz belaunaldi igaro den oroigarria jaso zuen Rezolak bere agintea irudikatuz. Sei zinegotzik lagunduko dute alkatea udal zereginetan.

Amasa-Villabona: EH Bilduko zazpi zinegotzien babesa jasota, Beatriz Unzue izendatu zuten atzokoan alkate. EAJ eta PSE-EEk boto zuriak eman zituzten.

Amezketa: Iñaki Amundarainek bigarren aldiz zin egin zuen alkate kargua EH Bilduko bost zinegotzien botoak jaso ondoren. Amezketa Etorkizun udal taldeak bi zinegotzi izango ditu datorren legegintzaldian.

Anoeta: Pello Estangak bere hirugarren legengiltzaldia hasiko du. Adin mahaia osatu ondoren Estangak EH Bilduko sei zinegotzien botoekin jaso zuen alkate izendapena. Herriko jaietan murgildurik, herritar ugari gerturatu ziren pleno aretora. Estangak zinegotziei zein herritarrei hauteskundeetan eskainitako babesa eskertu zien eta datozen legegintzaldian beraien alde lan egiteko prest azaldu zen. Rafa Uribarren EAJko zerrendaburuak ere esker oneko hitzak izan zituen bozka eman zuten herritarrekiko, beren proposamenak aurrera ateratzen saiatuko direla adieraziz. Berezitasun moduan, Peio Estangak eta Jaime Peonek EH Bilduko eta EAJko ordezkari gisa, norbere taldeko kide guztiengatik zin egin zituzten karguak.

Asteasu: Asteasu Batuz taldearen garaipenari esker Pili Legarrak jarraituko du beste lau urtez alkate gisa. Zazpi zinegotzi ditu taldeak eta EAJk bi.Baliarrain: Auzolanean Bizirik udal taldeko bost kidek osatuko dute datozen lau urterako udala. Hala erabakita, bosten artean txandakatuko dira alkate karguan, bederatzi hilabetero. Josu Ozaita izango da lehena eta Jaione Olano, Juan Mari Iturrioz, Maribi Garmendia eta Andoni Olanok osatuko dute hurrenkera. Lan-arloak banatuta dituzten arren, datozen hilabeteetan herriko taldeekin, elkarteekin eta eragileekin elkartuko dira herrian dauden beharrak ezagutzeko eta lan-egitaraua osatzeko.

Belauntza: Bigarren legegintzaldia izango su Silvia Moneok Belauntzako alkate moduan Tolosaldean goiztiarrenetakoa izan zen bilkuran. Datozen lau urteetan bost zinegotzi izango dira herrian, biztanleriaren beherakada dela eta. Denok Bat udal taldeak lau zinegotzi izango ditu, bozka gehien jaso zutenak, eta Belauntzako Herritarrak taldeak bakarra.

Berastegi: Aurpegi berririk ez alkatetzan, EH Bilduko Amaia Azkuek jarraituko baitu alkate Berastegiko Udalean. Beasti Bizi taldeak hiru zinegotzi izango ditu.

Berrobi: Zinegotzi guztiek alkate karguari uko eginda David de Miguel, zerrendan azken hautagaia zena, izan zen alkate izendatua atzo Berrobin PSE-EE izan zen joan zen udal hauteskundeetan. Berrobin aurkeztu zen zerrenda bakarra eta gutxieneko botoak jasota lortu ditu zinegotzi guztiak. Sei zinegotzik zin egin zuten kargua, Coral Maria Rodriguezek zinegotzi izateari uko egin ziolako Bidania-Goiatz: Agurtzane Zelaiak Joxe Erramun Goikoetxearen eskutik jaso zuen aginte makila. EH Bilduko lau zinegotzien botoak jaso zituen, eta Garai Berriak taldeko Josune Landak bere taldeko hiruenak.

Elduain: Oihana Amundarain izango da Elduaingo alkate eta atzo goizean ospatutako ekitaldian zin egin zuen kargua eta Jose Angel Urkizuren testigua jasoz. Eider Mujika, Leire Talavera, Joel Wepsiec eta Alain Barandiaran izango dira lau zinegotziak.Gaztelu: Edurne Gartzia da Gazteluko alkate berria. EH Bilduko udal taldeak lortu zituen bost zinegotziak pasa den hauteskundeetan. Denek zin egin zuten atzo beren kargua udalaren eraketa plenoan. Gartziarekin batera Garikoitz Aranzabal, Gotzone Ijurko, Egoitz Zelaia eta Iban Zunzunegi arituko dira lanean.

Hernialde: Alkatetza makila estreinatu zuten atzo Hernialden zinegotzi kargua hartu zuten herritarrek. Aitor Zubeldia izendatu zuten alkate, zinegotzi guztien aldeko botoekin. Igaro Balda, azken bi legegintzalditako alkatearen eskutik jaso zuen makila, aurreko udalbatzaren opari, Manuel Arroyo eta Jose Irazustabarrenak egina.

Ibarra: El acto de investidura que tuvo lugar ayer estuvo cargado de emociones no solo por parte de los nuevos miembros del Ayuntamiento, sino también del público. Comenzó con la constitución de la Mesa de Edad que conformaron Juan Luis Cid concejal de EAJ-PNV y Aitor Jiménez, de EH Bildu. Seguidamente, nombraron al resto de los concejales y procedieron a la votación final para escoger la nueva figura de alcalde. Seis votos a favor de Igor Zapirain, cuatro por Itziar Jauregi y un voto en blanco fue el resultado, por lo que será Zapirain quien tome las riendas para los próximos cuatro años. Al final del acto, Zapirain tomó el relevo del hasta ahora alcalde Mikel Agirrezabala, tras emocionarse este y agradecer a sus seres queridos, amistades y equipo de Gobierno. Palabras de Zapirain: «Con muchas ganas e ilusión damos inicio a una nueva etapa, en la que será una vez más la propia ciudadanía quien construya Ibarra; nos comprometemos a hacer todo lo que nos corresponda como institución».

Ikaztegieta: EH Bilduko Bakarne Otegik beste lau urtez jarraituko du Ikaztegietako alkatetzan, maiatzaren 26ko udal hauteskundeetan lorturiko lau zinegotziei esker. Hiru ditu EAJk.Irura: Herritarrez inguratuta zin egin zuten kargua Irurako zortzi zinegotzik. Jose Ramon Epeldek eta Noelia Lataburuk osatutako adin-mahaiak zerrendaburuak osatu zituzten alkategai. Lau botoetara berdinketa izan zen, izan ere Leticia Aristik ezin baitzuen bilkuran egon. Beraz, legeak dioena jarraituz zerrenda bozkatueneko hautagaia, hau da, EH Bilduko Gorka Murua, izendatu zuten alkate. Muruak Ana Leunda alkate ohiaren eskutik jaso zuen aginte makila, zerrenda kideei eta iruratarrei eskerrak emanez jasotako babesagatik.

Larraul: Maite Arana izendatu zuten Larraulen alkate datozen lau urteetarako, PSE-EEko taldeko lehen hautagaiak karguari uko egin ondoren. Joan zen legegintzaldian jada zinegotzi bat bazuen PSE-EEk eta oraingoan hauteskundetara aurkeztu zen hautagaitza bakarra izan zen, zinegotzi guztiak lortuz. Zazpi zinegotzietatik seik hartu zuten kargua atzoko ekitaldian, Aitor Beistegi falta izan zen bilkuran.

Leaburu-Txarama: Zinegotzi guztien bertaratzearekin osatu zen Leaburu-Txaramako udalbatza. Adin mahaia osatu ondoren, banan-bana zin egin zuten 'legeak hala behartuta' kargu hartu aurretik. Ondoren, bozkatu egin zuten eta Jose Ramon Eizagirre izendatu zuten alkate aldeko lau boto eta kontrako hirurekin.Lizartza: Ospakizun berezirik gabe hartu zuten kargua Lizartzan hasi berri den legegintzaldian zinegotzi izango diren herritarrak. Sabino San Sebastianek eta Aitzol Zubeldiak osatutako adineko mahaiak kredentzialak begiratu ondoren aho batez izendatu zuten Iñaki Azpiroz alkate.

Orendain: Azken legegintzaldian zinegotzi izan den EH Bilduko Miguel Angel Arsuagak alkate kargua zin egin zuen Orendaingo udal eraketa plenoan. Andoni Egia aurreko alkatearen eskutik jaso zuen aginte makila, datorren legegintzaldian zinegotzi izango dena.Orexa: Bost zinegotziko Udalean, bostak ere EH Bildurenak, Eneko Maiozek alkate kargua berritu zuen atzoko udalbatzan.

Zizurkil: Gehiengo osoarekin, EH Bilduk alkatetzari eutsi dio Zizurkilen. Atzokoan Iker Urruzola bere aurretik alkate izan den Joxe Mari Luengoren eskutik jaso zuen aginte makila.