Tolosaldea

Giro ederra Tolosaldeko herrietako Inauterietan

Tolosaldeko herriak Inauteri giroan murgildu dira jada. Berastegin Inauterietako jaialdia ospatu zuten atzo goizean plazan. Sormena soberan dutela erakutsi zuten, bai ekitaldian parte hartu zuten taldeek, baita ikustera gerturatu ziren herritarrek ere. Anoeta eta Iruran, berriz, kaldereroen konpartsa atera zen Loatzo Musika Eskolako ikasle eta irakasleek girotuta. Bi herrietako kaleetan zehar entzun ahal izan ziren kaldereroen doinuak, inauteria iragarriz. Lizartzan gaur egun handia ospatuko da Inauteri dantzen emanaldiarekin.