Giro aparta 3x3 boleibol txapelketan, kirol honek duen indarraren seinale

Irabazleen taldea irudian, nahiz eta guztiak izen ziren irabazleak. /  DV
Irabazleen taldea irudian, nahiz eta guztiak izen ziren irabazleak. / DV

El Diario Vasco
EL DIARIO VASCOTOLOSA.

Tolosako ferialekuan ospatu da aurtengo boleibol festa, 3x3 emakumeen txapelketa. Guztira 10 taldek hartu dute parte bost taldetako bi multzotan. Ligaxkako sailkapenean oinarrituta, fase kanporatzailea jokatu zuten. Maila ederra eman zuten guztiek arratsalde osoan zehar, eta adin, maila eta esperientzia ezberdineko neskek hartu zuten parte. Irabazteko grina erakutsi zuten guztiek, eta antolatzaileek aipatu duten moduan, nabarmentzekoa izan da txapelketan sortutako giro ona.

Proba kanporatzailean sailkatutako lau taldeen artean jokatutako finalerdietako irabazleen arteko final estuan, bigarren postua Itxaso Leonek, Amaia Lopezek eta Saioa Iparragirrek lortu zuten. Garaipena, beraz, Naiara Civicorentzat, Nerea Goñirentzat eta Yera Leonentzat izan zen. Banatutako sariak klubeko kolaboratzaileek banatu zituzten; Lur Laneko produktuak eta Ama tabernako garagardo artisauak.

Nahiz eta irabazleak izendatu zituzten, guztiak izan ziren irabazle, eta emakumeen artean boleibolak eskuratu duen indarra nabarmendu dute antolatzaileek, eta diote parte-hartze zabala izateak eta ikusle asko gerturatu izanak indarra ematen diela horrelako egitasmoei.