EAJk Tolosako Udaleko sareak bere alde erabili izana salatu du EH Bilduk

El Diario Vasco
EL DIARIO VASCO TOLOSA.

Otsailean, Tolosako Udaleko Twitter kontutik EAJren aldizkaria ikusteko esteka zuen mezua zabaldu zela salatu zuen Tolosako EH Bilduk. «Hanka-sartze baten ondorioa zela erantzun arren, eta mezua ezabatu bazen ere, atzean egon zitekeenak zalantzan jarri zuen EAJ-ren neutraltasuna Tolosako Udaleko komunikazio bitartekoak erabiltzean», diote alderditik.

EH Bilduk gaineratu du «orain, hauteskunde bezperan, bigarren akats larria egin duela EAJk; aurrekoa baino larriagoa. Oraingoan, Tolosako Udalaren Facebook orrialdearen bidez zabaldu dute alderdiaren propaganda, botoa eta guzti eskatuz. Akats benetan larria, legezkoa ere ez dena, eta gainera bestelako ondorioak ere ekarri dizkiona Tolosako Udalari. Asteartean, 21:15ean, zabaldu zen mezua eta ondoren, akatsa ezabatzeak ekarritako nahasmenaren ondorioz, 12 orduz Udaleko Facebook orrialdea erabili ezin zela utzi zuten, komunikazio kanal garrantzitsuetako bat gabe utziz».

«Lehen aldia ez» dela kontuan hartuta, EH Bilduk dio «ezinbestekoa» dela EAJ-k Tolosako alderdi zein tolosarrei barkamena eskatzea, eta zehaztasunak ematea, eta egoeraren larritasunak behartuta, beste urratsen bat ematea aztertzen ari dela adierazi du: erantzukizun politikoak eskatu, eta hauteskunde batzordean salaketa jarri.