Solstizio festako prestaketa egingo da gaur

San Juan bezperan Solstizio festa egingo da Altzon eta horren inguruan, hainbat ekitaldi izango dira gaur. 17:00etan aurpegiak margotzen ikasteko ikastaroa emango du Txitxi Orbegozok Batzarremuñon. Helduei zuzendutako ikastaroa izango da, seme-alabek modelo bezala parte hartu ahal izango dute. 19:00etan igandeko festarako prestaketa bilera egingo da, herritar guztiei irekia eta 19:30ean 'Erraiak. Arbasoen oihartzuna' irrintziaren inguruko dokumentala proiektatuko da Batzarremuñon. 20:15ean, Solstizio festan sua pizterakoan egingo den irrintzi kolektiboaren entsaioa egingo da.