Sendabelar ikastaroa eskainiko da maiatzean eta ekainean

NÚÑEZ ANOETA.

Aurten ere sendabelarrak ezagutzen eta erabiltzen ikasteko ikastaroa antolatu da Anoetan. Maiatzean eta ekainean izango da, astearteetan, 18:30etik 20:30era. Sara Letamendia izango da irakaslea eta etxetik gertu hazten diren sendabelarrak ezagutzeaz gain ukenduak, olioak, tinturak, lozioak, jarabeak edota kremak egiten ikasiko dute.

Ikastaroa Hozpel kaleko udal lokalean emango da. Izena emateak maiatzaren 2an amaituko dira: udaletxean, liburutegian edota infokultura@anoeta.eus helbidean. Ikastaroaren prezioa 60 eurokoa izango da, materiala aparte. Anoetan erroldatutakoek lehentasuna izango dute eta %25eko murrizpena jasoko dute familia ugariek, Gazte Txartela dutenek, langabetuek, ikasleek, pentsiodunek eta 60 urtetik gorakoek.