Saharar herriarentzako janari eta material bilketa

YARZA ABALTZISKETA.

Aurreko urteetan bezala Tolosaldea Sahararekin elkarteko kideek janari-bilketa antolatu dute errefuxiatu kanpamentuetara eramateko. Jasoko diren elikagaiak lekaleak, hegaluzea eta sardinak oliotan, azukrea, arroza, pasta edota olioa izango dira. Gainera, konpresak eta haur zein helduentzako pixoihalak ere jasoko dira, baita eskolarako materiala ere, Midyic herriko eskolako ikasleei bideratuko zaizkienak. Lagundu nahi duten herritarrek Abaltzisketako udaletxean, bulego ordutegian, utzi behar dituzte produktuak.