Pilota eta paella-jatea Baliarraingo Andra Mari jaien hasieran

Jesi Gurrutxaga irakasleak herritarren omenaldia jaso zuen. / YARZA
Jesi Gurrutxaga irakasleak herritarren omenaldia jaso zuen. / YARZA

YARZABALIARRAIN.

Atzo goizean eman zieten hasiera Baliarraingo Andre Mariaren Jasokundeko jaiei txupinazoarekin. Herritar ugari hurbildu ziren plazara txupinazoa ikustera. Aurten Jesi Gurrutxaga herriko Haurreskolako irakaslea omendu nahi izan zuten herritarrek, azken hamaika urtetan bertan egon baita lanean. Herriko haur bakoitzak lore bana eskaini zion, guztien artean lore-sorta osatu arte.

Jarraian, herriko pilota-txapelketako finalak jokatu ziren. Lehenengo partiduan Aitor Arteagak 22-16 irabazi zuen Aritz Nazabalen aurka. Ondoren, Enaitz Artolak 22-19 irabazi zuen Julen Bereziartuaren aurka. Lau pilotari gazteek sariak jaso zituzten partiduen amaieran.

Gaurko egitaraua

Andre Mariaren Jasokundearen eguna ospatuko dute gaur Baliarriango jaietan. Goizeko 11:00etan Meza Nagusia eskainiko da elizan, eta 11:45ean, LVII. Txirrindulari igoera egingo da Jexux Nazabalen oroimenez. Arratsaldean, 18:00etan pilota partidak jokatuko dira. Ondoren, Obaneuke musika-taldearen emanaldia hasiko da. Gauedo 22:30ean, Imanol Ituiñok 'Magia parrastan' ikuskizuna eskainiko du. Jarraian, Obaneuke taldearekin erromeriak jarraituko du.

Temas

Jaiak