Tolosa Goierri

Pilota Eguna ospatuko da gaur Baratze Pilotalekuan

Segura Kirol Elkarteko pilota sailak laugarren urtez antolatu du Pilota Eguna, eta gaurkoz ospatuko da Baratze pilotalekuan. Egunak herriko pilotari gazteei eta profesionalen partidei lekua egingo die. Goizean, 11:00etan, pilota eskolako haurrentzako eta gurasoentzako jolasak izango dira, eta 14:00etan pilotariek bazkaria izango dute Danon Gelan. Arratsaldean, 18:00etatik aurrera, Binakako txapelketako lehen mailako partida jokatuko da.